अ‍ॅस्ट्रोशोध साप्ताहिक राशिभविष्य (१६ फ़ेब्रुवारी ते २२ फ़ेब्रुवारी २०२५)
Astroshodh- bestastrologerinpune, famousastrologerinpune, topastrologerinpune, bestastrologerinindia, famousastrologerinindia, topastrologerinindia
मेष रास
सप्ताहातील ग्रहस्थिती- सप्ताहाच्या सुरुवातीला प्रथमस्थानी हर्षल, धनस्थानी गुरु, तृतीयस्थानी मंगळ(व), षष्ठस्थानात केतू, दशमस्थानात प्लूटो, लाभस्थानात सूर्य, बुध, शनि आणि व्ययस्थानात शुक्र, राहू, नेपचून अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीला तब्येतीची काळजी घ्या. शत्रुंच्या कारवायांकडे लक्ष ठेवा. तसेच तुमच्या बोलण्याने किंवा वागण्याने लोक दुखावले जाणार नाहीत याची काळजी घ्या. मात्र हा काळ खरेदीसाठी अनुकूल आहे. यादरम्यान केलेली गुंतवणूक दीर्घकाळासाठी फायदेशीर ठरेल. सप्ताह मध्य छान जाणार आहे. पती/ पत्नी बरोबर काही सुंदर क्षण अनुभवू शकाल. मन प्रसन्न असेल. भागीदारीत व्यवसाय करणार्‍यांना चांगला काळ आहे. सप्ताह मध्यानंतर वाहने जपून चालवावीत. या काळात गूढ विषय तुम्हाला आकर्षित करतील. अचानक धनलाभाचे योगही शक्य आहेत. सप्ताहाच्या शेवटी भाग्यवृध्दी होईल. उपासनेत मन रमेल. काहींवर गुरुकृपा शक्य. काही लाभही होतील.
उपासना: ’ श्री गुरुदेव दत्त ’ या मंत्राचा जप या कालावधीत नित्य करावा.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
वृषभ रास
सप्ताहातील ग्रहस्थिती- सप्ताहाच्या सुरुवातीला प्रथमस्थानी धनस्थानी गुरु, धनस्थानात मंगळ(व), पंचमस्थानात केतू, भाग्यस्थानात प्लूटो, दशमस्थानात सूर्य, बुध, शनि, लाभस्थानात शुक्र, राहू, नेपचून आणि व्ययस्थानात हर्षल अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीला संततीकडून सुवार्ता कळतील. विद्यार्थी व कलाकारांना खूप चांगला काळ आहे. प्रेमिकांनाही विवाह ठरविण्यासाठी अनुकूल ग्रहमान आहे. सप्ताह मध्य तब्येतीची काळजी घ्यायला पाहिजे याची जाणीव करुन देणारा आहे. फ़िजिकल फ़िटनेस/ वैद्यकीय व्यवसाय करणारे यांना मात्र हाच काळ फायदेशीर ठरणार आहे. नोकरदार मंडळींना कार्यालयीन कामासाठी प्रवासयोग शक्य. सप्ताह मध्यानंतर जोडीदाराचे अपेक्षित सहकार्य लाभेल. मन आनंदी व उत्साही राहील. भागीदारीत व्यवसाय करणार्‍यांना काही लाभ होतील. सप्ताहाच्या शेवटी अचानक धनलाभाचे योग आहेत. विमा व्यावसायिक, ज्योतिषी, इतिहासकार यांना अनुकूलता जाणवेल.
उपासना: या काळात रोज गणपती स्तोत्र म्हणणे श्रेयस्कर राहील.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
मिथुन रास
सप्ताहातील ग्रहस्थिती- सप्ताहाच्या सुरुवातीला प्रथम स्थानात मंगळ(व), चतुर्थस्थानात केतू, अष्टमस्थानात प्लूटो, भाग्यस्थानात सूर्य, बुध, शनि, दशमस्थानात शुक्र, राहू, नेपचून, लाभस्थानात हर्षल आणि व्ययस्थानात गुरु अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीला उत्तम काळ आहे. भाग्याची साथ मिळेल. कौटुंबिक सौख्य लाभेल. प्रॉपर्टीच्या कामासाठी चांगला काळ आहे. वरीष्ठ तुमच्यावर खुश असतील. प्रवास लाभदायक ठरु शकतील. धार्मिक कार्यात सहभाग असेल. अध्यात्मिक उन्नतीसाठी गुरु केलेल्यांना चांगले अनुभव येण्याची शक्यता आहे. सप्ताह मध्यसुध्दा छान आहे. संततीबद्दल चांगली बातमी कळेल. मानसन्मान मिळेल. खेळाडू, कलाकार यांना दैदिप्यमान काळ आहे. विद्यार्थ्यांनाही कमी श्रमात जास्त यश मिळेल. काही लाभही होतील. सप्ताह मध्यानंतर नोकरीत काही चांगल्या घडामोडी संभवतात मात्र छोट्या मोठ्या आजाराने त्रस्त होण्याची शक्यता नाकारता येत नाही. अ‍ॅसिडिटी/ पोटाचे काही त्रास असणार्‍यांनी योग्य ते पथ्यपाणी सांभाळावे. सप्ताहाच्या शेवटी जोडीदाराशी वाद संभवतात. काळजी घ्या.
उपासना: श्रीसूक्ताचे नियमित पठण या कालावधीत केलेले चांगले.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९).
कर्क रास
सप्ताहातील ग्रहस्थिती- सप्ताहाच्या सुरुवातीला तृतीयस्थानी केतू, सप्तमस्थानात प्लूटो, अष्टमस्थानात सूर्य, बुध, शनि, भाग्यस्थानात शुक्र, राहू, नेपचून, दशमस्थानात हर्षल आणि लाभस्थानात गुरु व्ययस्थानात मंगळ(व), अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीला तुमच्या कार्यक्षेत्रामध्ये चांगले काम होईल. लेखक, ब्लॉगर्स, साहित्यिकांना अनुकूल काळ आहे. मनासारखे काम झाल्याने खुष असाल. सप्ताह मध्यात घरातील वातावरण प्रसन्न असेल. आवडत्या व्यक्तींशी संपर्क होईल. जुन्या आठवणी ताज्या होतील. मित्रांच्या किंवा परीचितांच्या माध्यमातून काही कामे मार्गी लागण्याची शक्यता आहे. सप्ताहाच्या मध्यानंतर आहारतज्ञ, कलाकार, विद्यार्थी व खेळाडू यांना अनुकूल काळ आहे. सप्ताहाच्या शेवटी आरोग्याच्या काही समस्या शक्य आहेत. मधुमेह असणार्‍यांनी पथ्यपाणी सांभाळावे. वरीष्ठांशी जमवून घेतल्यास तुमच्या कार्यक्षेत्रात चांगले काम होईल.
उपासना: या काळात कुलस्वामिनीची उपासना करावी.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
सिंह रास
सप्ताहातील ग्रहस्थिती- सप्ताहाच्या सुरुवातीला धनस्थानी केतू, षष्ठस्थानी प्लूटो, सप्तमस्थानात सूर्य, बुध, शनि, अष्टमस्थानात शुक्र, राहू, नेपचून, भाग्यस्थानात हर्षल, दशमस्थानात गुरु आणि लाभस्थानात मंगळ(व) अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताह अतिशय छान जाणार आहे. सप्ताहाच्या सुरुवातीला कुटुंबीयांबरोबर वेळ मजेत जाईल. आवडत्या पदार्थांचा आस्वाद घ्यायला मिळेल. काहींना धनलाभ शक्य आहे. सप्ताह मध्यात प्रवासयोग शक्य आहेत. मात्र प्रवासात योग्य ती काळजी घ्यावी. वाहनांसाठी किंवा भावंडांसाठी काही खर्च या काळात करावा लागू शकेल. याउलट परदेशगमन किंवा त्यासंबंधीत कामांसाठी खूपच अनुकूल ग्रहमान आहे. सप्ताह मध्यानंतर राहत्या जागेचे किंवा व्यवसायाच्या जागेचे काही प्रश्न असतील तर ते मार्गी लावू शकाल. सप्ताहाच्या शेवटी घरातील वातावरण छान असेल. तुमच्या छंदासाठी जरुर वेळ द्या. उपासनेत मन रमेल.
उपासना: या काळात रोज गणपती स्तोत्र म्हणणे श्रेयस्कर राहील.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
कन्या रास
सप्ताहातील ग्रहस्थिती- सप्ताहाच्या सुरुवातीला प्रथमस्थानात केतू, पंचमस्थानात प्लूटो, षष्ठस्थानी सूर्य, बुध, शनि, सप्तमस्थानात शुक्र, राहू, नेपचून, अष्टमस्थानात हर्षल, भाग्यस्थानात गुरु आणि दशमस्थानात मंगळ(व) अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- संपूर्ण सप्ताह चांगला जाईल. मनोबल उत्तम राहील. आत्मविश्वास वाढविणार्‍या घटना घडतील. सप्ताहाच्या सुरुवातीला दैनंदिन कामे मार्गी लागतील. तुमचा इतरांवर प्रभाव राहील. सप्ताहाच्या मध्यात काहींना धनलाभाची शक्यता आहे. मित्रमैत्रिणींचा सहवास लाभेल. जुन्या आठवणींना उजाळा देऊ शकाल. वरीष्ठांची मर्जी राहील. कलाकारांना विशेषत: गायकांना ग्रहमान उत्तम आहे. घरात छान वातावरण असेल. जोडीदाराबद्दल चांगली बातमी कळेल. सप्ताह मध्यानंतर रागावर नियंत्रण ठेवा. वाहने जपून चालवा. ज्योतिषशास्त्र, अध्यात्म यांसारखे गूढ विषय तुम्हाला आकर्षित करतील. सप्ताहाच्या शेवटी घरातील कामांसाठी वेळ काढावा लागेल. मन प्रसन्न असेल.
उपासना: रोज महालक्ष्मीअष्टक या काळात जरुर म्हणावे.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
तूळ रास
सप्ताहातील ग्रहस्थिती- सप्ताहाच्या सुरुवातीला चतुर्थस्थानात प्लूटो, पंचमस्थानात सूर्य, बुध, शनि, षष्ठस्थानी शुक्र, राहू, नेपचून, सप्तमस्थानात हर्षल, अष्टमस्थानात गुरु, नवमस्थानात मंगळ(व) आणि व्ययस्थानात केतू अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीस पारमार्थिक उन्नतीसाठी उत्तम काळ आहे. धार्मिक गोष्टींना वेळ द्याल. जुन्या गुंतवणुकीतून फायदा शक्य. खरेदीसाठी काळ चांगला आहे. मनोरंजनाकडे कल राहील. सप्ताह मध्यात नोकरीच्या शोधात असणार्‍यांना काही संधी दृष्टीक्षेपात येतील. मात्र यादरम्यान अती दगदग टाळा. आपले आरोग्य सांभाळा. सप्ताह मध्यानंतर उत्तम कालावधी आहे. भाग्याची साथ मिळेल. वरीष्ठ तुमच्यावर खुश असतील. प्रवास लाभदायक ठरु शकतील. सप्ताहाच्या शेवटी सोशल मिडियावर काही शेअर करत असाल तर ते वादग्रस्त होणार नाही याची काळजी घ्या.
उपासना: ’ॐ नम: शिवाय’ या मंत्राचा जप या कालावधीत नित्य करावा.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
वृश्चिक रास
सप्ताहातील ग्रहस्थिती- सप्ताहाच्या सुरुवातीला तृतीयस्थानी प्लूटो, चतुर्थस्थानात सूर्य, बुध, शनि, पंचमस्थानात शुक्र, राहू, नेपचून, षष्ठस्थानी हर्षल, सप्तमस्थानात गुरु, अष्टमस्थानी मंगळ(व) आणि लाभस्थानात केतू अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाची सुरुवात छान होणार आहे. काहींना धनलाभाचे योग आहेत. मित्रांच्या किंवा आप्तेष्ठांच्या भेटीची शक्यता आहे. मन प्रसन्न असेल. वरीष्ठांचे सहकार्य मिळेल. सप्ताह मध्य खरेदीसाठी अनुकुल आहे. आपल्या जिवलगांबरोबर मस्त शॉपिंगला जायला हरकत नाही. धार्मिक कार्यात सहभाग असेल. अध्यात्मिक उन्नतीसाठी गुरु केलेल्यांना चांगले अनुभव येण्याची शक्यता आहे. सप्ताह मध्यानंतर दैनंदिन कामात अडचणी जाणवतील. जोखीम असलेली कामे आज करु नका. महत्त्वाची कामे पुढे ढकला. वाहने सावकाश चालवा. सप्ताहाच्या शेवटी धनलाभाचे योग आहेत. जोडीदाराचे अपेक्षित सहकार्य लाभेल. मन आनंदी व उत्साही राहील.
उपासना: ’विठ्ठल’ नामाचा जप या काळात जरुर करावा.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
धनु रास
सप्ताहातील ग्रहस्थिती- सप्ताहाच्या सुरुवातीला धनस्थानात प्लूटो, तृतीयस्थानी सूर्य, बुध, शनि, चतुर्थस्थानात शुक्र, राहू, नेपचून, पंचमस्थानात हर्षल, षष्ठस्थानी गुरु, सप्तमस्थानात मंगळ(व), दशमस्थानात केतू आणि अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीला व्यावसायिकांचे प्रलंबीत असलेले निर्णय मार्गी लागतील. नोकरीत समाधानकारक स्थिती असेल. वरीष्ठ तुमच्यावर खुश असतील. एखादी महत्वाची जबाबदारी तुमच्यावर सोपावली जाऊ शकेल. सप्ताह मध्यात काहींना धनलाभाचे योग आहेत. आवडत्या व्यक्तीच्या भेटीचे योग येतील. गूढ विषयांमध्ये मन रमेल. अचानक धनलाभाचे योग शक्य. सप्ताह मध्यानंतर उपासनेत मन रमेल. महत्त्वाचे निर्णय मार्गी लागतील. या काळात केलेली गुंतवणूक दीर्घकाळासाठी फायदेशीर ठरेल. सप्ताहाच्या शेवटी तब्येतीसंबंधी काही कुरबुरी जाणवतील. वैद्यकीय क्षेत्रातील लोकांना मात्र ग्रहमान अनुकूल आहे.
उपासना: या काळात रोज महालक्ष्मीअष्टक म्हणावे.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
मकर रास
सप्ताहातील ग्रहस्थिती- सप्ताहाच्या सुरुवातीला प्रथमस्थानी प्लूटो, धनस्थानात सूर्य, बुध, शनि, तृतीयस्थानी शुक्र, राहू, नेपचून, चतुर्थस्थानात हर्षल, पंचमस्थानात गुरु, षष्ठस्थानात मंगळ(व) आणि नवमस्थानात केतू अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- संपूर्ण सप्ताह खूप चांगला जाणार आहे. सुरुवातीलाच काही भाग्यवर्धक घटना शक्य आहेत. प्रवासाचे योग संभवतात. वरीष्ठांचे चांगले सहकार्य मिळेल. धार्मिक कार्यामध्ये सहभाग असेल. दैनंदिन कामे मार्गी लागतील. सप्ताह मध्यात वरीष्ठांकडून एखादी मागणी मान्य करुन घेता येईल. तुमच्या कार्यक्षेत्रात सुसंधी लाभेल. आर्थिक लाभाचे प्रमाण समाधानकारक राहील. कलाकारांना तसेच संगणकासंबंधी काम करणार्‍यांना ग्रहमान अनुकूल आहे. मित्रमैत्रिणींचा सहवास मनाला आनंद देईल. सप्ताहाच्या शेवटी जुन्या गुंतवणुकीतून फायदा शक्य. खरेदीसाठी काळ चांगला आहे.
उपासना: ’ॐ गं गणपतये नम:’ या मंत्राचा जास्तीत जास्त जप या काळात करावा.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
कुंभ रास
सप्ताहातील ग्रहस्थिती- सप्ताहाच्या सुरुवातीला प्रथमस्थानी सूर्य, बुध, शनि, धनस्थानात शुक्र, राहू, नेपचून, तृतीयस्थानी हर्षल, चतुर्थस्थानात गुरु, पंचमस्थानात मंगळ(व), अष्टमस्थानात केतू आणि व्ययस्थानात प्लूटो अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- रविवारी गूढ विषयांकडे तुमच्या मनाचा ओढा असेल. अचानक धनलाभाचे योग शक्य आहेत. खाजगी गुप्तहेर, संशोधक, विमा व्यावसायिक यांना मात्र अनुकूल आहे. मात्र जोखीम असलेली कामे करु नका. त्यानंतरचे दोन दिवस भाग्यवर्धक घटनांचे ठरु शकतील. प्रवासयोगही संभवतात. धार्मिक गोष्टींसाठी काळ अनुकूल आहे. सप्ताह मध्यानंतर ग्रहमान अनुकूल आहे. आत्मविश्वास वाढेल. कार्यक्षेत्रात चांगले काम होईल. बौद्धिक क्षेत्रात प्रगती होईल. सप्ताहाच्या शेवटी मन आनंदी असेल. आर्थिक सुयश लाभेल. अनेकांचे सहकार्य लाभेल. मित्रमैत्रिणींचा/ आवडत्या लोकांचा सहवास लाभेल. जुन्या आठवणींना उजाळा देऊ शकाल.
उपासना: या काळात कुलस्वामिनीची उपासना करावी.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)
मीन रास
सप्ताहातील ग्रहस्थिती- सप्ताहाच्या सुरुवातीला प्रथमस्थानी शुक्र, राहू, नेपचून, धनस्थानात हर्षल, तृतीयस्थानी गुरु, चतुर्थस्थानी मंगळ(व), सप्तमस्थानी केतू, लाभस्थानात प्लूटो आणि व्ययस्थानात सूर्य, बुध, शनि अशी ग्रहस्थिती असेल. १६ तारखेला चंद्राचा गुरुशी त्रिकोण व शुक्राशी प्रतियोग होईल. २१ तारखेला चंद्राचा गुरुशी प्रतियोग होईल आणि २२ तारखेला चंद्राचा शनिशी केंद्रयोग होईल.
फलादेश- सप्ताहाच्या सुरुवातीला उत्तम ग्रहमान आहे. काही लाभ होतील. घरात आनंदी वातावरण असेल. जोडीदाराबद्दल चांगली बातमी कळेल. व्यापार्‍यांना फायदेशीर ग्रहमान आहे. सप्ताह मध्य संमिश्र आहे. दैनंदिन कामात अडचणी जाणवतील. आर्थिक गोष्टींमध्ये विलंब होईल. मानसोपचार तज्ञ, ज्योतिषी, सर्जन आणि विमा व्यावसायिकांना मात्र हाच काळ लाभदायक आहे. सप्ताह मध्यानंतर काही भाग्यवर्धक घटना घडू शकतील. धार्मिक गोष्टींसाठीही अनुकूल काळ आहे. तुमचा इतरांवर प्रभाव राहील. मन आनंदी राहील. आत्मविश्वास वाढेल. सप्ताहाच्या शेवटी तुमच्या कार्यक्षेत्रात सुयश मिळेल. तुमच्या कौशल्याला वाव मिळेल. प्रवास योग शक्य.
उपासना: गुरु उपासना या काळात उपयुक्त ठरेल.
—अ‍ॅस्ट्रोशोध साप्ताहिक राशिभविष्य (अतुल एच. कुलकर्णी. ९४२२०८८९७९)